Падзеі

Лукашэнка прыняў з дакладам прэм'ер-міністра. Асноўная тэма - парадак дня маючай адбыцца сустрэчы з Пуціным

5 мая, Мінск /Кар. БЕЛТА/. Прэзідэнт Беларусі Аляксандр Лукашэнка прыняў з дакладам прэм'ер-міністра Аляксандра Турчына, перадае карэспандэнт БЕЛТА.

"У бліжэйшы час плануецца сустрэча кіраўніка нашай дзяржавы з Прэзідэнтам Расійскай Федэрацыі. Літаральна ўчора ў мяне адбылася размова з маім калегам - старшынёй урада Расійскай Федэрацыі Міхаілам Мішусціным. У тым ліку мы абмеркавалі магчымы парадак дня сустрэчы нашых кіраўнікоў, нашы сумесныя праекты, далейшыя дзеянні, у тым ліку ў рамках Саюзнай дзяржавы. На працягу літаральна некалькіх наступных дзён мы падрыхтуем інфармацыю кіраўніку дзяржавы для размовы з Уладзімірам Пуціным. Гэта была асноўная тэма майго даклада кіраўніку дзяржавы", - заявіў журналістам па выніках сустрэчы Аляксандр Турчын.

Абмяркоўваўся таксама шэраг бягучых пытанняў, якія ў тым ліку датычацца сацыяльна-эканамічнага развіцця краіны.

Прэм'ер-міністр адзначыў, што да яго даклада Прэзідэнту ў кіраўніка дзяржавы адбылася грунтоўная нарада з кіраўніцтвам Савета Міністраў, на якой разглядаліся канкрэтныя пытанні ў шэрагу галін. "Безумоўна, сама нарада датычылася не толькі канкрэтных дакументаў, якія ўрад уносіў на разгляд Прэзідэнту, але і ў цэлым стану ў гэтых галінах эканомікі. Тэматыка нашай размовы выйшла далёка за межы гэтых дакументаў. Прэзідэнт, як заўсёды, вельмі паглыблены ў дэталі", - расказаў Аляксандр Турчын.

версія для друку

зрабіць стартавай

дабавіць у выбранае