20 верасня, Барысаўскі раён /Уладзімір Мацвееў - БЕЛТА/. Прэзідэнт Беларусі Аляксандр Лукашэнка прыбыў на вучэнне "Захад-2017". Верталёт кіраўніка дзяржавы, Галоўнакамандуючага Узброенымі Сіламі Беларусі прызямліўся на 227-м агульнавайсковым палігоне Барысаўскі, перадае карэспандэнт БЕЛТА.
Плануецца, што Прэзідэнту даложаць аб развіцці ваенна-палітычнай абстаноўкі ў Еўрапейскім рэгіёне і яе ўплыве на забеспячэнне ваеннай бяспекі Саюзнай дзяржавы, а таксама аб парадку прымянення арміі, у тым ліку ва ўзаемадзеянні з групоўкай войскаў, дзеючай на паўночна-заходнім аперацыйным напрамку.
Аляксандр Лукашэнка будзе назіраць за ходам вучэння. Ён таксама правядзе агляд войскаў, што ўдзельнічалі ў вучэнні, узнагародзіць ваеннаслужачых, якія вызначыліся.