Падзеі

Лукашэнка прапанаваў Намібіі скарыстацца кампетэнцыямі Беларусі ў розных галінах

Фота з архiва

21 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Намібіі Нетумба Нандзі-Ндаітву і дружалюбны народ гэтай краіны з Днём Незалежнасці. Аб гэтым БЕЛТА паведамілі ў прэс-службе беларускага лідара.

"Дзякуючы самаадданай барацьбе намібійскіх патрыётаў за нацыянальнае вызваленне, поспехам у дзяржаўным будаўніцтве і сацыяльна-эканамічным развіцці Намібія з'яўляецца сёння адной з вядучых краін Афрыканскага кантынента, - адзначыў Аляксандр Лукашэнка. - Улічваючы зацікаўленасць Мінска ў пашырэнні супрацоўніцтва з Віндхукам, а таксама добры практычны вопыт рэалізацыі праектаў з Зімбабвэ і іншымі дзяржавамі Афрыкі, Беларусь гатова прапанаваць намібійскаму боку свае кампетэнцыі ў галінах забеспячэння харчовай бяспекі, механізацыі сельскай гаспадаркі, горназдабыўной прамысловасці, энергетыкі, транспарту".

Кіраўнік дзяржавы запрасіў Нетумба Нандзі-Ндаітву наведаць Беларусь з афіцыйным візітам для абмеркавання ўсіх пытанняў паглыблення двухбаковых адносін.

"Жадаю Вашаму Правасхадзіцельству моцнага здароўя, шчасця і плённай дзейнасці на адказнай дзяржаўнай пасадзе, а жыхарам Намібіі - міру і дабрабыту", - гаворыцца ў віншаванні.

версія для друку

зрабіць стартавай

дабавіць у выбранае