Падзеі
Лукашэнка павіншаваў удзельнікаў "Залатой шайбы" з пачаткам фінальнага турніру
9 сакавіка, Мінск /Кар. БЕЛТА/. Прэзідэнт Беларусі, Прэзідэнт Нацыянальнага алімпійскага камітэта Аляксандр Лукашэнка павіншаваў удзельнікаў рэспубліканскіх спаборніцтваў сярод дзяцей і падлеткаў па хакеі "Залатая шайба" з адкрыццём фінальнага турніру. Аб гэтым БЕЛТА паведамілі ў прэс-службе беларускага лідара.
"У нашай краіне гэта цудоўнае свята дзіцячага хакея праводзіцца ўжо дваццаць першы раз. Свой пачатак яно бярэ з дваровага хакея, якім захапляюцца тысячы юных аматараў гэтага сапраўды мужнага віду спорту", - гаворыцца ў віншаванні.
Кіраўнік дзяржавы адзначыў, што спаборніцтвы "Залатая шайба" - гэта яркая і незабыўная падзея, якая дасць магчымасць усім яе ўдзельнікам праявіць свае лепшыя спартыўныя якасці, майстэрства і волю да перамогі.
"Такія мерапрыемствы дапамагаюць загартоўваць характар і ўмацоўваць здароўе. Здаровая моладзь - гэта наша будучыня, залог дабрабыту суверэннай Беларусі, таму клопат аб падрастаючым пакаленні з'яўляецца адным з прыярытэтаў дзяржаўнай палітыкі", - падкрэсліў Аляксандр Лукашэнка.
версія для друку
зрабіць стартавай
дабавіць у выбранае