Падзеі

Лукашэнка павіншаваў Пуціна з Днём Расіі

Фота з архiва

12 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Расіі Уладзіміра Пуціна з Днём Расіі. Аб гэтым БЕЛТА паведамілі ў прэс-службе беларускага лідара.

"Расійская Федэрацыя з'яўляецца дзяржавай з велізарнай тэрыторыяй, унікальнымі прыроднымі багаццямі і невычэрпным чалавечым патэнцыялам. Яе шматвяковая гісторыя поўная вялікіх здзяйсненняў і перамог, якімі расійскі народ можа па праву ганарыцца, - гаворыцца ў віншаванні. - На міжнароднай арэне ваша краіна цвёрда стаіць на варце нацыянальных інтарэсаў, выступае лідарам руху за ўсталяванне новага недыскрымінацыйнага сусветнага парадку і павагу дзяржаўнага суверэнітэту. Расіяне сёння, як і ва ўсе часы, з'ядналіся ў імкненні зрабіць Айчыну яшчэ больш моцнай, незалежнай і квітнеючай".

Беларусь надае найважнейшае значэнне развіццю адносін саюзніцтва і стратэгічнага партнёрства з Расіяй, заснаваных на духоўнай блізкасці і агульнасці гістарычных лёсаў, трывалых традыцыях братэрскай дружбы і добрасуседства народаў дзвюх краін, падкрэсліў беларускі лідар.

Аляксандр Лукашэнка пажадаў Уладзіміру Пуціну моцнага здароўя і поспехаў у адказнай дзяржаўнай дзейнасці, а ўсім грамадзянам Расіі - міру і дабрабыту.

Віншавальныя пасланні ад Прэзідэнта Беларусі таксама накіраваны старшыні ўрада Расіі, старшыні Савета Міністраў Саюзнай дзяржавы Міхаілу Мішусціну, старшыні Савета Федэрацыі Валянціне Мацвіенка і старшыні Дзяржаўнай думы, старшыні Парламенцкага сходу Саюза Беларусі і Расіі Вячаславу Валодзіну.

версія для друку

зрабіць стартавай

дабавіць у выбранае