Падзеі

4 снежня, Мінск /Кар. БЕЛТА/. Прэзідэнт Беларусі, прэзідэнт Нацыянальнага алімпійскага камітэта Аляксандр Лукашэнка накіраваў віншаванне з 55-годдзем прэзідэнту Нацыянальнага алімпійскага камітэта Украіны, члену Выканаўчага камітэта Міжнароднага алімпійскага камітэта Сяргею Бубку. Аб гэтым БЕЛТА паведамілі ў прэс-службе беларускага лідара.

Аляксандр Лукашэнка адзначыў, што ў Беларусі Сяргей Бубка шырока вядомы як легендарны чэмпіён і аўтарытэтны кіраўнік, спартыўныя дасягненні і працоўная дзейнасць якога сталі прыкладам для мільёнаў маладых атлетаў.

"І сёння Вы аддаяце шмат сіл і энергіі папулярызацыі здаровага ладу жыцця, зацвярджэнню каштоўнасцей і ўмацаванню дружбы паміж народамі", - падкрэсліў кіраўнік дзяржавы.