Падзеі

Лукашэнка павіншаваў Прэзідэнта і грамадзян Ірана з Наўрузам

Фота з архiва

21 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Ісламскай Рэспублікі Іран Масуда Пезешкіяна і грамадзян гэтай краіны з нагоды Наўруза і новага 1404 года па іранскім календары. Аб гэтым БЕЛТА паведамілі ў прэс-службе беларускага лідара.

"Гэта свята сімвалізуе не толькі абнаўленне жыцця, але і непарушнасць традыцый, народнае адзінства і ўсеагульнае імкненне да міру і працвітання, натхняе людзей на добрыя справы і пачынанні", - гаворыцца ў віншаванні.

Аляксандр Лукашэнка канстатаваў, што Беларусь і Іран працуюць над далейшым умацаваннем дружбы паміж двума народамі і стварэннем спрыяльных умоў для развіцця ўзаемавыгаднага супрацоўніцтва.

"Разлічваю на Ваша асабістае садзейнічанне забеспячэнню высокай дынамікі кантактаў на ўсіх узроўнях - дзяржаўным, урадавым, парламенцкім, ведамасным і па лініі дзелавых колаў", - адзначыў Прэзідэнт.

Кіраўнік дзяржавы пажадаў Прэзідэнту Ірана моцнага здароўя і плённай дзейнасці. "Няхай Наўруз прынясе новыя магчымасці і поспехі ўсім іранцам", - падкрэсліў беларускі лідар.

версія для друку

зрабіць стартавай

дабавіць у выбранае