Падзеі

Лукашэнка павіншаваў народ Швейцарыі з нацыянальным святам - Днём заснавання Канфедэрацыі

Фота з архiва

1 жніўня, Мінск /Кар. БЕЛТА/. Прэзідэнт Рэспублікі Беларусь Аляксандр Лукашэнка павіншаваў народ Швейцарскай Канфедэрацыі з нацыянальным святам - Днём заснавання Канфедэрацыі. Аб гэтым БЕЛТА паведамілі ў прэс-службе беларускага лідара.

"Беларусаў і швейцарцаў акрамя асабістых сувязей аб'ядноўваюць талерантнасць і імкненне да вырашэння ўсіх пытанняў мірнымі сродкамі, - адзначыў кіраўнік дзяржавы. - Гэта стварае спрыяльныя ўмовы для рэалізацыі патэнцыялу двухбаковага супрацоўніцтва ў розных галінах на прынцыпах узаемнага даверу і павагі. Сёння ўжо абсалютна відавочна бесперспектыўнасць палітыкі штучных абмежаванняў кантактаў паміж людзьмі і дзяржавамі".

"Сумеснымі намаганнямі мы здольны ўнесці важны ўклад у забеспячэнне міру, пабудову ўстойлівага і больш справядлівага глабальнага светапарадку", - выказаў упэўненасць Аляксандр Лукашэнка.

Прэзідэнт Беларусі пажадаў шматнацыянальнаму народу Швейцарыі згоды, дабрабыту і шчаслівага жыцця.

версія для друку

зрабіць стартавай

дабавіць у выбранае