Падзеі

11 мая, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Мун Чжэ Іна з выбраннем на пасаду Прэзідэнта Рэспублікі Карэя. Аб гэтым БЕЛТА паведамілі ў прэс-службе беларускага лідара.

"Упэўнены, што дзейнасць на гэтай адказнай пасадзе будзе садзейнічаць паспяховаму развіццю і далейшаму працвітанню Вашай дзяржавы", - гаворыцца ў віншаванні.

Аляксандр Лукашэнка выказаў зацікаўленасць у пашырэнні плённага двухбаковага ўзаемадзеяння ў палітычнай, гандлёва-эканамічнай, навукова-тэхнічнай і іншых сферах на карысць народаў дзвюх краін.