Падзеі

Лукашэнка павіншаваў Ільхама Аліева з днём нараджэння

Ільхам Аліеў. Фота Trend

24 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Азербайджана Ільхама Аліева з днём нараджэння. Аб гэтым БЕЛТА паведамілі ў прэс-службе беларускага лідара.

"Прыемна адзначыць, што брацкая Азербайджанская Рэспубліка пад Вашым мудрым кіраўніцтвам адыгрывае ўсё больш значную ролю ў цюркскім свеце, умацоўвае сваё лідарства ў рэгіёне і з'яўляецца надзейным стратэгічным партнёрам Рэспублікі Беларусь", - гаворыцца ў віншаванні.

Аляксандр Лукашэнка адзначыў, што з цеплынёй успамінае нядаўнюю сустрэчу з Ільхамам Аліевым у Баку і высока цэніць дружбу і даверныя асабістыя адносіны, узаемную падтрымку і адкрыты канструктыўны дыялог на розных пляцоўках.

"Упэўнены, паспяховае правядзенне глабальнага кліматычнага форуму COP29 і саміту сусветных лідараў яшчэ больш умацавала міжнародны аўтарытэт вашай краіны", - падкрэсліў кіраўнік дзяржавы.

Прэзідэнт пажадаў Ільхаму Аліеву добрага здароўя, дабрабыту, удачы і нязменных перамог на чале азербайджанскай дзяржавы.-0-

версія для друку

зрабіць стартавай

дабавіць у выбранае