Падзеі

Лукашэнка пацвердзіў зацікаўленасць у аднаўленні і развіцці супрацоўніцтва з Грэцыяй

Фота Unsplash

25 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў народ Грэцыі з Днём Незалежнасці. Аб гэтым БЕЛТА паведамілі ў прэс-службе беларускага лідара.

"Гэта свята сімвалізуе сілу і адзінства народа Грэцыі ў барацьбе за свае самабытнасць і свабоду. Беларусы таксама перажылі суровыя выпрабаванні і даражаць уласнай гісторыяй, таму заўсёды з сімпатыяй ставіліся да грэкаў, выказваліся за падтрыманне і паглыбленне двухбаковых адносін. Упэўнены, што вяртанне нашых краін да канструктыўнага дыялогу вельмі важна і ў больш шырокім кантэксце, з пункту гледжання ўстанаўлення згоды ў еўрапейскім рэгіёне, стварэння мірнай і спакойнай будучыні", - гаворыцца ў віншаванні.

Кіраўнік дзяржавы пацвердзіў зацікаўленасць у аднаўленні і развіцці беларуска-грэчаскага супрацоўніцтва і запрасіў грамадзян Грэцыі часцей наведваць Беларусь, каб пераканацца ў яе гасціннасці і добразычлівасці.

версія для друку

зрабіць стартавай

дабавіць у выбранае