Падзеі

Лукашэнка пацвердзіў імкненне развіваць канструктыўныя беларуска-мараканскія сувязі

Фота з архiва

30 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя суайчыннікаў і сябе асабіста павіншаваў Караля Марока Махамеда VI з нацыянальным святам - Днём Трона. Аб гэтым БЕЛТА паведамілі ў прэс-службе беларускага лідара.

"Каралеўства Марока з'яўляецца перспектыўным партнёрам Рэспублікі Беларусь у рэгіёне Магрыб і ва ўсёй Паўночнай Афрыцы. Упэўнены, мы маем шырокія магчымасці для раскрыцця патэнцыялу міждзяржаўнага ўзаемадзеяння", - гаворыцца ў віншаванні.

"Прыемна адзначыць, што гісторыя дыпламатычных адносін паміж нашымі краінамі налічвае больш за трыццаць гадоў. Пацвярджаю імкненне і ў далейшым развіваць канструктыўныя беларуска-мараканскія сувязі на карысць абодвух народаў", - адзначыў Аляксандр Лукашэнка.

Кіраўнік дзяржавы пажадаў Каралю Марока моцнага здароўя і поспехаў у ажыццяўленні намечаных планаў, а ўсім мараканцам - працвітання і шчаслівага жыцця.

версія для друку

зрабіць стартавай

дабавіць у выбранае