Падзеі

Лукашэнка: пашырэнне супрацоўніцтва Мінска і Бішкека прыносіць канкрэтны і адчувальны вынік

Фота з архiва

31 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Кыргызстана Садыра Жапарава з Днём Незалежнасці. Аб гэтым БЕЛТА паведамілі ў прэс-службе беларускага лідара.

"Вы заслужана можаце ганарыцца поспехамі краіны ў галіне сацыяльна-эканамічнага развіцця, павышэння дабрабыту і якасці жыцця сваіх грамадзян", - гаворыцца ў віншаванні.

Кіраўнік дзяржавы адзначыў, што за мінулыя дзесяцігоддзі Бішкек стаў значным партнёрам Мінска, у тым ліку на інтэграцыйных пляцоўках і ў міжнародных арганізацыях. Пашырэнне беларуска-кыргызскага супрацоўніцтва на ўсіх узроўнях прадаўжае прыносіць канкрэтны і адчувальны вынік - рост аб'ёмаў узаемнага гандлю, падкрэсліў Прэзідэнт.

"Упэўнены, што пры падтрымцы нашых народаў мы зможам прымножыць дасягненні двухбаковага ўзаемадзеяння па ўсіх ключавых напрамках, рэалізаваць новыя паспяховыя праекты", - дадаў беларускі лідар.

Аляксандр Лукашэнка пажадаў Садыру Жапараву і жыхарам Кыргызстана добрага здароўя, поспехаў, мірнага і шчаслівага жыцця.

версія для друку

зрабіць стартавай

дабавіць у выбранае