Падзеі

Лукашэнка ўпамянуў пра збіванне ў Гродне сабакі і заявіў аб недапушчальнасці здзекаў з жывёл

14 чэрвеня, Ваўкавыск /Кар. БЕЛТА/. Прэзідэнт Беларусі Аляксандр Лукашэнка ў час рабочай паездкі ў Гродзенскую вобласць прыгадаў аб нядаўнім факце збівання ў абласным цэнтры сабакі і заявіў аб недапушчальнасці здзекаў з жывёл, перадае карэспандэнт БЕЛТА.

"Да жывёл у мяне дбайныя адносіны. Недзе нядаўна ў СМІ паведамлялася, што ў Гродзенскай вобласці сабаку збілі", - адзначыў кіраўнік дзяржавы.

"Так, знайшлі яго міліцыянеры", - паведаміў старшыня аблвыканкама Юрый Караеў.

"І вы ўстанавілі нягодніка гэтага. Сабаку забярыце. Аддайце, каму трэба", - даў параду кіраўнік дзяржавы.

Ён нагадаў, што некалькі гадоў таму пасля аналагічнага выпадку ў Віцебску асабіста ўмяшаўся ў сітуацыю. Тады збітае шчаня прывезлі ў Мінск, яго ў фінале хакейнай трэніроўкі Прэзідэнт падарыў трэнеру каманды - Дзмітрыю Баскаву.

"Забралі, аддалі. Цяпер пытаюся ў Баскава: "Як сабака?" - "Дзіця", - расказаў беларускі лідар.

"Не дазваляйце здзекавацца. Самыя безабаронныя - гэта жывёлы, таму што яны ад нас абараніцца не могуць. Мы можам. Яны не могуць. Таму іх трэба берагчы", - падкрэсліў кіраўнік дзяржавы.

Прэзідэнт таксама расказаў пра сваё асаблівае стаўленне да коней: "Нават у вёсцы я так гэта не ўспрымаў. Калі стаў Прэзідэнтам, мне падарылі некалькі коней. Я ўважліва за імі назіраў. Якое разумнае стварэнне і якую карысць конь прынёс для чалавецтва!"

Кіраўнік дзяржавы ў гэтым плане адзначыў, што ў Вялікую Айчынную вайну менавіта коні прынеслі вялікую карысць - ва ўмовах недахопу аўтамабіляў менавіта з іх дапамогай цягалі артылерыйскія ўстаноўкі, перавозілі грузы.

версія для друку

зрабіць стартавай

дабавіць у выбранае