Падзеі

Лукашэнка: палітыка штучнай канфрантацыі не адпавядае інтарэсам Беларусі і Фінляндыі

Фота з архiва

6 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў народ Фінляндыі з Днём Незалежнасці. Аб гэтым БЕЛТА паведамілі ў прэс-службе беларускага лідара.

"Мінск заўсёды быў і застаецца адкрытым да аднаўлення прагматычнага і канструктыўнага двухбаковага супрацоўніцтва на карысць нашых народаў. Спадзяюся, што агульнымі намаганнямі мы пераадолеем часовыя цяжкасці і зможам дасягнуць дадатных вынікаў па ўсіх напрамках беларуска-фінскага ўзаемадзеяння", - гаворыцца ў віншаванні.

Кіраўнік дзяржавы ўпэўнены, што палітыка штучнай канфрантацыі не адпавядае фундаментальным інтарэсам абедзвюх дзяржаў, паміж якімі гістарычна складваліся паважлівыя адносіны, заснаваныя на агульных хрысціянскіх каштоўнасцях, прынцыпах неўмяшання ва ўнутраныя справы і прымнажэння нацыянальнага дабрабыту.

Прэзідэнт Беларусі пажадаў усім жыхарам Фінляндыі мірнай будучыні, стабільнасці і згоды.

версія для друку

зрабіць стартавай

дабавіць у выбранае