Падзеі

12 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванні родным, блізкім і калегам народнай артысткі СССР Алены Абразцовай у сувязі з яе смерцю. Аб гэтым БЕЛТА паведамілі ў прэс-службе беларускага лідара.

Як адзначыў кіраўнік дзяржавы, у Беларусі Алену Абразцову ведалі і высока цанілі за вялікі талент. "Творчасць Алены Васільеўны пакінула яркі след у гісторыі опернай сцэны. Яна была выдатнай спявачкай, мела голас непаўторнай сілы і прыгажосці, яе творчасць стала сапраўдным культурным здабыткам усяго свету. Дзякуючы яркаму таленту і вялізнай асабістай чароўнасці ёй удалося заваяваць мноства паклоннікаў у розных краінах свету", - гаворыцца ў спачуванні.