Падзеі

Прэзідэнт Беларусі таксама растлумачыў, што ваенны парад можа прымаць толькі галоўнакамандуючы.

"Гэта недапушчальна, калі няма галоўнакамандуючага, а столькі войскаў выведзена ў сталіцу, гэта наогул, у прынцыпе непрымальна. У Беларусі па Канстытуцыі, акрамя галоўнакамандуючага, ніхто не можа прымаць парад. Таму або парада не будзе, або будзе. Калі ёсць Прэзідэнт - будзе парад", - адзначыў кіраўнік дзяржавы. Прэзідэнт 9 мая будзе ў Мінску. "У нас 9 мая будзе свой такі ж парад, як у Маскве", - сказаў ён.

Пры гэтым Аляксандр Лукашэнка растлумачыў, што ён усё ж такі наведае Маскву. "Напэўна, 7-8 мая мы зможам з дэлегацыямі з Беларусі наведаць Маскву, прадэманстраваць наша адзінства з рускім народам і іншымі. Магчыма, ускладзём вянкі да магілы Невядомага салдата, як мы гэта робім. 8 мая там будуць мерапрыемствы ў рамках ЕАЭС, СНД, АДКБ, таму я, зразумела, не магу не прыняць у гэтым удзел. Пастараюся 8 мая, няхай нават ноччу, вярнуцца дадому. Я так на сённяшні дзень планую", - падкрэсліў Прэзідэнт.