Падзеі

Лукашэнка: Кітай і Іран зацікавіліся вопытам беларуска-расійскага міжрэгіянальнага супрацоўніцтва

26 лютага, Масква /Кар. БЕЛТА/. Беларуска-расійскі вопыт міжрэгіянальнага супрацоўніцтва зацікавіў іншыя краіны. Аб гэтым Прэзідэнт Беларусі Аляксандр Лукашэнка заявіў у Маскве на пасяджэнні Вышэйшага дзяржаўнага савета Саюзнай дзяржавы, перадае карэспандэнт БЕЛТА.

"Нашы мерапрыемствы ў рамках рэгіёнаў - гэта вельмі важна. Сёння ўжо кітайцы нам прапанавалі: "Па прынцыпе, як вы працуеце з Расіяй, давайце будзем працаваць - рэгіён з рэгіёнамі". Іран недзе паўгода таму - таксама хочуць такога супрацоўніцтва", - сказаў Аляксандр Лукашэнка.

"На зямлі лепш відаць, што трэба людзям. Таму тое, што некалі падштурхнулі мы гэты працэс і парламентарыі гэтым займаюцца, асабліва сенатары, я ім за гэта ўдзячны. І я вельмі спадзяюся, што расійскі ўрад будзе адданы нашаму саюзнаму будаўніцтву і мы будзем выконваць усе даручэнні, нашы дамоўленасці і рашэнні, якія мы прымаем на сумесных мерапрыемствах", - адзначыў кіраўнік дзяржавы.

версія для друку

зрабіць стартавай

дабавіць у выбранае