Падзеі

Лукашэнка крытыкуе ўрад за недастатковую работу па стварэнні высокапрадукцыйных рабочых месцаў

2 сакавіка, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка раскрытыкаваў урад за недастатковую работу па стварэнні высокапрадукцыйных рабочых месцаў. На гэта кіраўнік дзяржавы звярнуў увагу сёння пры справаздачы ўрада, Нацыянальнага банка, аблвыканкамаў і Мінскага гарвыканкама аб выніках работы эканомікі за 2017 год і задачах па забеспячэнні ўстойлівага эканамічнага росту, перадае карэспандэнт БЕЛТА.

"Вельмі насцярожвае, што выкананне рашэнняў кіраўніка дзяржавы скажона. Маё патрабаванне заключаецца ў тым, каб ствараць высокапрадукцыйныя рабочыя месцы. Яны і ёсць аснова росту, на іх можна зарабляць добрыя грошы, а не проста выплачваць зарплату, як гэта было ў снежні, - адзначыў Аляксандр Лукашэнка. - Я не ўнікаў, як урад арганізаваў выкананне майго даручэння, але вынікі нікуды не вартыя".

Прэзідэнт канстатаваў, што высокапрадукцыйных рабочых месцаў - прыкладна 5 працэнтаў ад створаных. "А на ўзроўні райвыканкамаў, адміністрацый гарадоў, як мне далажылі, словы "высокапрадукцыйныя рабочыя месцы" нават і не чулі. Там бачаць задачу "галоўнае - трымаць і не звальняць". Не звальняць, гэта таксама важна, чалавек павінен мець месца работы", - прадоўжыў Аляксандр Лукашэнка.

Ён нагадаў, што ў канцы мінулага года правялі вялікі форум па бізнесу, прыняты пакет рашэнняў, у тым ліку стымулюючых занятасць. "Але ўжо праз два месяцы нейкія разумнікі ва ўрадзе пачынаюць дадумваць. Яны самі вырашылі, што калі чалавек у сябе займаецца нейкай прасцейшай формай самазанятасці, то паслугі ЖКГ яму трэба прад'яўляць по поўным кошце. Як вы разумееце, пайшлі скаргі наконт гэтага, - падкрэсліў Аляксандр Лукашэнка. - Гэта наўмысны сабатаж рашэнняў Прэзідэнта або недастатковае разуменне?"

На думку кіраўніка дзяржавы, усё гэта не лепшым чынам характарызуе эфектыўнасць работы ўрада па эканамічнай праблематыцы.

версія для друку

зрабіць стартавай

дабавіць у выбранае