Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

16 Dec 2016

Лукашэнка даручыў паставіць надзейную заслону дагаворным тэндарам

16 снежня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка даручыў упарадкаваць сістэму тэндарных закупак. Аб гэтым па выніках нарады ў кіраўніка дзяржавы расказаў старшыня Камітэта дзяржаўнага кантролю Леанід Анфімаў, перадае карэспандэнт БЕЛТА.

"Вельмі ўважліва цяпер будзем глядзець за правядзеннем тэндараў. Таму што хто як папала, - адзначыў Леанід Анфімаў. - Прэзідэнт даў даручэнне прывесці сістэму тэндарных закупак у адпаведнасць з патрабаваннямі часу, упарадкаваць яе".

Паводле слоў старшыні КДК, перш за ўсё стаіць задача не дапускаць дагаворных тэндараў, калі заказчык з патэнцыяльнымі падрадчыкамі могуць дамовіцца аб канчатковых выніках тэндара пад канкрэтнага выканаўцу. "Гэты пралаз трэба ўбраць праз удасканаленне заканадаўства", - сказаў ён.

Леанід Анфімаў у цэлым расказаў, што ў параўнанні з пачаткам мінулага дзесяцігоддзя колькасць праводзімых праверак скарацілася практычна ў 10 разоў, але адначасова ўзрасла іх рэзультатыўнасць. Ведамства ў асноўным канцэнтруе сілы і сродкі на найбольш значных напрамках у эканамічнай дзейнасці краіны.

У якасці прыкладу старшыня КДК прывёў праверкі ў сістэме ЖКГ, якія далі магчымасць выявіць шмат нявыкарыстаных рэзерваў і павысіць узровень акупнасці насельніцтвам адпаведных паслуг без павышэння тарыфаў. Аналагічная работа была праведзена і адносна пасажырскіх перавозак. Па іншых напрамках таксама ёсць над чым працаваць, адзначыў Леанід Анфімаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі