Падзеі

Лукашэнка: беларусы і швейцарцы маюць выдатны патэнцыял для пашырэння двухбаковых сувязей

Фота з архiва

1 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў народ Швейцарыі з нацыянальным святам - Днём заснавання Канфедэрацыі. Аб гэтым БЕЛТА паведамілі ў прэс-службе беларускага лідара.

"Беларусь, як і Швейцарыя, надае выключнае значэнне ўмацаванню незалежнасці і сацыяльнай справядлівасці. Нашы народы імкнуцца да вырашэння самых складаных пытанняў шляхам дыялогу і кампрамісаў, забеспячэння мірнага суіснавання розных моў, культур і канфесій", - гаворыцца ў віншаванні.

Аляксандр Лукашэнка адзначыў, што дзякуючы закладзенаму ў мінулыя гады трываламу фундаменту беларусы і швейцарцы маюць выдатны патэнцыял для пашырэння двухбаковых сувязей у розных галінах на прынцыпах раўнапраўя і ўзаемнай павагі.

"На беларускай зямлі заўсёды рады вітаць грамадзян Швейцарыі, якія могуць наведаць нашу краіну ў любы час без візы і асабіста пераканацца ў тым, што ў нас камфортна і бяспечна", - падкрэсліў Прэзідэнт.

Кіраўнік дзяржавы пажадаў жыхарам Швейцарыі шчасця, адзінства і дабрабыту.

версія для друку

зрабіць стартавай

дабавіць у выбранае