У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

28 Врс 2017

Лукашэнка: БДУ па сваім змесце павінен адпавядаць чаканням абітурыентаў

Лукашэнка: БДУ па сваім змесце павінен адпавядаць чаканням абітурыентаў28 верасня, Мінск /Уладзімір Мацвееў - БЕЛТА/. Беларускі дзяржаўны ўніверсітэт як вядучую ВНУ краіны неабходна ўзняць на прыступку вышэй, каб па сваім змесце ён адпавядаў чаканням абітурыентаў. Такую задачу паставіў Прэзідэнт Беларусі Аляксандр Лукашэнка, назначаючы Андрэя Караля на пасаду рэктара БДУ, перадае карэспандэнт БЕЛТА.

"У БДУ - я абсалютна згодны і з урадам, і з Адміністрацыяй Прэзідэнта - трэба навесці парадак. Я вельмі спадзяюся, што ў вас там атрымаецца", - звярнуўся кіраўнік дзяржавы да новага рэктара.

Ён падкрэсліў, што Андрэй Кароль фактычна з'яўляецца даверанай асобай Прэзідэнта, але назначэнне звязана не з гэтым. Гаворачы аб персаналіі новага рэктара, Аляксандр Лукашэнка прызнаўся, што раней не згадзіўся яго накіроўваць на адну з прапануемых у той момант "чыноўніцкіх" пасад у дзяржапараце. "Ён яшчэ нам на больш важным участку павінен паслужыць, і народу, і дзяржаве, падрыхтаваўшы добрыя кадры. Гэта вядучая ВНУ, - адзначыў беларускі лідар. - Вельмі спадзяюся, што БДУ па сваім змесце будзе адпавядаць чаканням людзей, якія туды паступаюць. Таму што яны лічаць, што БДУ - гэта верх усяго. Гэта сапраўды так. Але змест у нас крыху не адпавядае. І вы з гэтым хутка сутыкняцеся".

"Трэба яго ўзнімаць на прыступку вышэй, чым ёсць на самай справе", - падкрэсліў Аляксандр Лукашэнка.

Лукашэнка: БДУ па сваім змесце павінен адпавядаць чаканням абітурыентаўЁн паабяцаў, што абавязкова наведае ВНУ ў наступным годзе, каб у тым ліку абмеркаваць шляхі вырашэння праблем, якія ўбачыць Андрэй Кароль, працуючы на новай пасадзе.

Аляксандр Лукашэнка ўзгадніў назначэнне рэктараў яшчэ трох ВНУ - Беларускага нацыянальнага тэхнічнага ўніверсітэта, Магілёўскага дзяржаўнага ўніверсітэта імя А.А.Куляшова і Магілёўскага дзяржаўнага ўніверсітэта харчавання.

Што датычыцца БНТУ, Прэзідэнт падкрэсліў, што гэта таксама адзін з важнейшых універсітэтаў краіны. "Без яго ніякія інжынеры ў краіне немагчымы. І трэба сказаць, што інжынеры, якія навучаліся ў вас, славу нашай дзяржаве прынеслі", - сказаў ён.

Лукашэнка: БДУ па сваім змесце павінен адпавядаць чаканням абітурыентаўГаворачы пра сваю альма-матар - Магілёўскі дзяржаўны ўніверсітэт імя А.А.Куляшова - Аляксандр Лукашэнка заўважыў, што ў тыя гады там на вельмі высокім узроўні выкладалі гісторыю, чаму часткова садзейнічала і тое, што на курсе было ўсяго дзве групы прыкладна па 25 чалавек. Акрамя таго, быў высокі конкурс на паступленне. Прэзідэнт прызнаўся, што выкладчыкі ВНУ аказалі на яго значны ўплыў, а яго стасункі з імі прадаўжаліся і ў прэзідэнцкія гады. "Так склалася, што Прэзідэнт там некалі вучыўся. Таму вам давядзецца адпавядаць гэтаму статусу. Гэта добрая навучальная ўстанова, кампактная, не раздутая", - сказаў Аляксандр Лукашэнка.

"Тое ж самае і Магілёўскі дзяржаўны ўніверсітэт харчавання. Я яго, праўда, збоку заўсёды назіраў. Яшчэ больш кампактны, але вельмі важны для нас універсітэт", - дадаў кіраўнік дзяржавы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс