Падзеі

Лукашэнка адзначыў гатоўнасць Беларусі да аднаўлення раўнапраўнага дыялогу са Швецыяй

Фота з архiва

6 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя суайчыннікаў і сябе асабіста павіншаваў народ Швецыі з Нацыянальным днём. Аб гэтым БЕЛТА паведамілі ў прэс-службе беларускага лідара.

"Сёння, у перыяд глабальных трансфармацый, нязменнымі застаюцца галоўныя прыярытэты - захаванне навакольнага асяроддзя, павышэнне якасці жыцця і забеспячэнне нацыянальнай бяспекі", - гаворыцца ў віншаванні.

Кіраўнік дзяржавы падкрэсліў, што на працягу многіх гадоў шведы, як і беларусы, рупліва зберагаюць прыродную і культурную спадчыну роднага краю, будуюць стабільную прававую дэмакратычную дзяржаву. "На гэтым шляху да нядаўняга часу мы мелі добрыя вынікі двухбаковага супрацоўніцтва", - заўважыў беларускі лідар.

Прэзідэнт выказаў надзею, што вопыт былога нейтралітэту Швецыі дапаможа кіраўніцтву гэтай краіны вярнуцца да раўнапраўнага і паважлівага дыялогу, да аднаўлення якога Беларусь заўсёды гатова.

Аляксандр Лукашэнка пажадаў усім жыхарам Швецыі міру, шчасця і згоды.

версія для друку

зрабіць стартавай

дабавіць у выбранае