У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

30 Ліс 2018

Лукашэнка абяцае жорсткія меры за невыкананне тэхналогіі вырошчвання лёну

Лукашэнка абяцае жорсткія меры за невыкананне тэхналогіі вырошчвання лёну

30 лістапада, Орша /Уладзімір Мацвееў - БЕЛТА/. Прэзідэнт Беларусі Аляксандр Лукашэнка абяцае прыняць самыя жорсткія меры, калі адказныя чыноўнікі і кіраўнікі не змогуць забяспечыць поўнае выкананне тэхналогіі вырошчвання лёну. Аб гэтым ён заявіў сёння на нарадзе ў Оршы па развіцці льнаводства і перапрацоўцы лёну, перадае карэспандэнт БЕЛТА.

На нарадзе дырэктар РУП "Інстытут лёну" Іван Голуб адзначыў, што, нягледзячы на рэкамендацыі вучоных і правядзенне вучэбных мерапрыемстваў, пакуль не ўсюды ў краіне ўдаецца вырошчваць і апрацоўваць лён па тэхналогіі.

Аляксандр Лукашэнка адрасаваў пытанне намесніку прэм'ер-міністра Міхаілу Русаму, чаму склалася такая сітуацыя. "Гэта недагляд. Даціснем да кожнага гектара", - адказаў віцэ-прэм'ер.

Прэзідэнт падкрэсліў, што калі ў будучым годзе кіраўніцтва АПК і Нацыянальнай акадэміі навук разам не забяспечаць выкананне тэхналогій вырошчвання лёну, то будуць прыняты самыя жорсткія меры. Практычная работа на месцах - зона адказнасці губернатараў.

Адначасова кіраўнік дзяржавы адзначыў, каб усіх кіраўнікоў, якія забяспечваюць высокія вынікі пры вырошчванні лёну і іншых важных культур, не забывалі заахвочваць і падтрымліваць. "І не толькі ордэн, а і да ордэна яшчэ нешта трэба", - сказаў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс