Падзеі
Лукашэнка аб важнасці падрыхтоўкі афіцэраў: служыць не дзеля "кватэры і кухні", а каб Радзіму абараняць
18 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка, заслухоўваючы даклад аб прапановах па карэкціроўцы мерапрыемстваў плана будаўніцтва і развіцця Узброеных Сіл на 2026-2030 гады, падкрэсліў важнасць якаснай падрыхтоўкі афіцэраў, перадае карэспандэнт БЕЛТА.
"Галоўнае - гэта афіцэры. Не трэба саміх сябе падманваць. Ніколі мы не падрыхтуем звычайнага радавога чалавека за паўтара-два гады як афіцэра. Але калі афіцэр будзе падрыхтаваны і з мазгамі ў галаве, то ён хутка за сабой павядзе ваеннаслужачых і пакажа, навучыць іх, як дзейнічаць і ў якім напрамку", - падкрэсліў кіраўнік дзяржавы.
"Таму афіцэры - пытанне нумар адзін, - дадаў Прэзідэнт. - Рыхтаваць трэба па-сапраўднаму. А калі нехта не хоча гэтага рабіць, значыць, нам з ім не па дарозе".
Аляксандр Лукашэнка звярнуў увагу, што з боку дзяржавы нямала зроблена для таго, каб ва Узброеных Сілах былі ўсе ўмовы для такой падрыхтоўкі афіцэрскага складу. Роўна як і для іх забеспячэння жыллём і ў плане іншых бытавых умоў.
"Так точна. Вельмі шмат (зроблена з боку дзяржавы. - Заўвага БЕЛТА)", - пацвердзіў міністр абароны Віктар Хрэнін.
"І ты мне пастаянна прыходзіш кажаш аб тым, што трэба тылавыя пытанні вырашыць: кватэры, жонкі, кухні, дзеці і іншае. Я разумею, што гэта трэба. Але афіцэр павінен разумець, што ўсе мы служым не толькі для таго, каб была кухня. Мы выбралі сабе такую прафесію - Радзіму абараняць. І ў розных умовах гэта будзем рабіць", - сказаў Аляксандр Лукашэнка.
"Калі мы (небагатая краіна, шчыра кажучы) пачынаем адрываць часам апошняе, забіраць у народа дзеля Узброеных Сіл, асабліва цяпер, - афіцэры павінны на гэта адказваць сваёй ратнай працай. Іншага не дадзена", - заявіў беларускі лідар.
Кіраўнік дзяржавы акцэнтаваў, чым абумоўлены яго жорсткія патрабаванні ў пытанні падрыхтоўкі афіцэраў і ў цэлым Узброеных Сіл: "Мы разумеем: не дай бог, будзе развязана гарачая вайна, мы будзем проста падобныя да смяротнікаў. Мы проста будзем смяротнікамі. Мы ж гэта бачылі ў канфлікце Расіі і Украіны".
версія для друку
зрабіць стартавай
дабавіць у выбранае