Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

12 Кст 2020

Лукашэнка і Рахмон абмеркавалі па тэлефоне двухбаковае супрацоўніцтва, сітуацыю ў рэгіёне і COVID-19

Лукашэнка і Рахмон абмеркавалі па тэлефоне двухбаковае супрацоўніцтва, сітуацыю ў рэгіёне і COVID-19
Аляксандр Лукашэнка і Эмамалі Рахмон. Фота з архіва

12 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка правёў сёння тэлефонную размову з Прэзідэнтам Таджыкістана Эмамалі Рахмонам. Аб гэтым БЕЛТА паведамілі ў прэс-службе беларускага лідара.

Кіраўнік беларускай дзяржавы павіншаваў калегу з пераканаўчай перамогай на прэзідэнцкіх выбарах. Лідары дзвюх краін у размове закранулі шырокі спектр тэм: развіццё двухбаковых адносін, падзеі ў рэгіёне, сітуацыю ў свеце. У прыватнасці, падрабязна абмеркавалі сітуацыю ў Кыргызстане, закранулі і падзеі ў Нагорным Карабаху.

Што датычыцца беларуска-таджыкскага супрацоўніцтва, яго характар вызначылі як дынамічны. "Нягледзячы на крызісныя з'явы ў сусветнай эканоміцы, краінам удаецца значна нарошчваць тавараабарот. За паўгода 2020-га ў параўнанні з 2019-м ён вырас у 2,5 раза. У сувязі з гэтым прэзідэнты выступілі за далейшае паглыбленне прамысловай кааперацыі, у тым ліку для выхаду на рынкі трэціх краін, і пашырэнне ўзаемных паставак прадукцыі", - адзначылі ў прэс-службе.

Яшчэ адной тэмай размовы стаў COVID-19. Як падкрэсліў Эмамалі Рахмон, у Таджыкістане сітуацыя абсалютна кантралюемая. У цэлым кіраўнікі дзяржаў абмяняліся вопытам па процідзеянні распаўсюджванню інфекцыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі