Падзеі

Лукашэнка - жанчынам: нарадзіце траіх малышоў і патрабуйце ад мяне што захочаце

Фота з архiва

18 снежня, Мінск /Кар. БЕЛТА/. Прэзідэнт Беларусі Аляксандр Лукашэнка ў Пасланні беларускаму народу і парламенту заклікаў жанчын нараджаць як мінімум па трое дзяцей, перадае карэспандэнт БЕЛТА.

"Дарагія жанчыны, нарадзіце траіх малышоў і патрабуйце ад мяне што захочаце", - сказаў Аляксандр Лукашэнка. Гэта прапанова была ўспрынята бурнымі апладысментамі аўдыторыі.

Кіраўнік дзяржавы звярнуў увагу: каб толькі захоўваць колькасць насельніцтва, у сем'ях павінны нараджацца па тры дзіцяці.

Прэзідэнт указаў на тое, што з пункту гледжання матэрыяльнага стымулявання зроблена дастаткова. Да з'яўлення дзіцяці будучыя мамы забяспечаны бясплатным поўным медыцынскім суправаджэннем, выплачваюцца значныя дзіцячыя дапамогі, прадугледжаны сямейны капітал, у краіне трымаюць на магчымым мінімуме тарыфы за дзіцячы сад, субсідзіруючы іх з бюджэту.

Пры гэтым Аляксандр Лукашэнка ўпэўнены, што не менш важны ўмовы працы для жанчын, якія выйшлі з дэкрэтнага водпуску, і адносіны да іх. "У нас гэта цэлая бяда для работадаўца", - заўважыў кіраўнік дзяржавы і прывёў довады наймальнікаў: "А, пойдзе, народзіць. А што потым з ёй рабіць?"

"Нічога (не. - Заўвага БЕЛТА) рабіць. Трэба, каб другога-трэцяга нараджала", - падкрэсліў Прэзідэнт.

"У цяперашняй дэмаграфічнай сітуацыі злачынна нават думаць аб тым, што маладыя мамы - галаўны боль для работадаўца", - адзначыў кіраўнік дзяржавы.

версія для друку

зрабіць стартавай

дабавіць у выбранае