Падзеі

9 чэрвеня, Мінск /Кар. БЕЛТА/. Намеснік міністра замежных спраў Беларусі Алена Купчына 8 чэрвеня правяла сустрэчу з прадстаўнікамі французскай асацыяцыі "Рэаліі і міжнародныя адносіны" (Association Realites et Relations Internationales), якія знаходзяцца з візітам у Беларусі. Аб гэтым БЕЛТА паведамілі ў прэс-службе МЗС.

У ходзе гутаркі адбыўся абмен меркаваннямі па шэрагу актуальных тэм міжнароднага і рэгіянальнага парадку дня. "Асаблівая ўвага была ўдзелена пытанням рэгіянальнай бяспекі, а таксама абмеркаванню ролі і месца Рэспублікі Беларусь у канфігурацыі сучасных міжнародных адносін", - праінфармавалі ў МЗС.