Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

31 Oct 2016

Краіны АДКБ у перыяд старшынства Беларусі плануюць ініцыіраваць сумесныя мерапрыемствы з ААН

31 кастрычніка, Мінск /Кар. БЕЛТА/. Краіны АДКБ у перыяд старшынства Беларусі плануюць ініцыіраваць сумесныя мерапрыемствы з ААН. Аб гэтым расказаў Пастаянны прадстаўнік Беларусі пры Арганізацыі Аб'яднаных Нацый Андрэй Дапкюнас у час спецыяльнага пасяджэння Савета Бяспекі ААН, паведамілі БЕЛТА ў прэс-службе Міністэрства замежных спраў Беларусі.

Пасяджэнне, у якім прыняў удзел Андрэй Дапкюнас, было прысвечана супрацоўніцтву ААН з рэгіянальнымі арганізацыямі па падтрыманні міжнароднага міру і бяспекі - Арганізацыяй Дагавора аб калектыўнай бяспецы, Садружнасцю Незалежных Дзяржаў і Шанхайскай арганізацыяй супрацоўніцтва. Члены Савета Бяспекі, дзяржавы - удзельніцы трох рэгіянальных аб'яднанняў, кіраўнікі сакратарыятаў ААН, АДКБ, СНД і ШАС абмеркавалі перспектывы сумеснай работы.

У сваім выступленні ад імя дзяржаў - членаў АДКБ Пастаянны прадстаўнік Беларусі пры ААН выклаў асноўныя падыходы да выбудоўвання партнёрскіх адносін паміж АДКБ і ААН. Андрэй Дапкюнас адзначыў, што ў перыяд старшынства Беларусі ў АДКБ дзяржавы - члены гэтай арганізацыі плануюць ініцыіраваць шэраг сумесных з ААН сустрэч і мерапрыемстваў па найбольш актуальных міжнародных пытаннях. Зыходзячы са сваёй перакананасці ў непадзельнасці міру, бяспекі і прагрэсіўнага ўстойлівага развіцця, Беларусь і іншыя краіны АДКБ будуць садзейнічаць калектыўнай рабоце міжнародных арганізацый для ўмацавання міру і бяспекі.

Таксама размова ішла аб тым, што шматфункцыянальнасць АДКБ дае магчымасць весці практычнае ўзаемадзеянне з ААН па многіх напрамках: міратворчасць, барацьба з тэрарызмам і наркагандлем, пераадоленне наступстваў надзвычайных сітуацый, процідзеянне гандлю людзьмі і нелегальнай міграцыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі