Падзеі

Кіраўнікі замежных дэлегацый высока ацанілі прадукцыю беларускага ВПК на выстаўцы ў Абу-Дабі

23 лютага, Мінск /Кар. БЕЛТА/. Кіраўнікі замежных дэлегацый на выстаўцы IDEX-2021 у Абу-Дабі высока ацанілі прадукцыю беларускага ваенна-прамысловага комплексу. Аб гэтым БЕЛТА паведаміў афіцыйны прадстаўнік Дзяржкамваенпрама па інфармацыі і сувязях з грамадскасцю Уладзімір Лаўранюк.

Старшыня Дзяржкамваенпрама Дзмітрый Пантус і міністр абароны Рэспублікі Сербія Небойша Стэфанавіч правялі перагаворы. Гэта першая сустрэча кіраўнікоў беларускай і сербскай дэлегацый у рангу кіраўнікоў ведамстваў, падчас якой яны абмяркоўвалі бягучы стан двухбаковага ваенна-тэхнічнага супрацоўніцтва, у тым ліку выкананне дзеючых кантрактаў.

Кіраўнік беларускай дэлегацыі 22 лютага таксама правёў сустрэчу з федэральным міністрам абароннай прамысловасці Ісламскай Рэспублікі Пакістан Забайдай Джалал. Бакі пацвердзілі ўзаемную зацікаўленасць у далейшым развіцці ваенна-тэхнічнага супрацоўніцтва паміж Рэспублікай Беларусь і Рэспублікай Пакістан, абмеркавалі перспектыўныя напрамкі ваенна-тэхнічнага супрацоўніцтва.

Падчас перагавораў кіраўнікі сербскай і пакістанскай дэлегацый высока ацанілі прадстаўленую на нацыянальным стэндзе прадукцыю беларускага ваенна-прамысловага комплексу.

версія для друку

зрабіць стартавай

дабавіць у выбранае