Падзеі

Кіраўнік МЗС Беларусі: ёсць шэраг канкрэтных прапаноў і цікавых праектаў для сумеснай рэалізацыі з Аманам

Фота з архiва

1 красавіка, Мінск /Кар. БЕЛТА/. У Беларусі і Амана ёсць шэраг канкрэтных прапаноў і цікавых праектаў для рэалізацыі. Гэта адзначыў міністр замежных спраў Максім Рыжанкоў 1 красавіка ў час першага пасяджэння беларуска-аманскага сумеснага камітэта па супрацоўніцтве і інвестыцыях, сустаршынёй якога ён з'яўляецца, паведамляе карэспандэнт БЕЛТА.

"У нас ёсць шэраг канкрэтных прапаноў і цікавых праектаў для рэалізацыі, прычым у некаторых з іх мы ўжо выйшлі на практычную плоскасць", - сказаў кіраўнік беларускага знешнепалітычнага ведамства.

Ён таксама выказаў думку: "Базу для ўзаемавыгаднага і шчырага супрацоўніцтва паміж нашымі краінамі ствараюць цёплыя адносіны паміж лідарамі дзвюх дзяржаў - паміж Прэзідэнтам Беларусі і Султанам Амана".

Сустаршынёй беларуска-аманскага сумеснага камітэта па супрацоўніцтве і інвестыцыях з'яўляецца прэзідэнт Аманскага інвестыцыйнага агенцтва Абдэльсалам аль-Муршыдзі.

версія для друку

зрабіць стартавай

дабавіць у выбранае