12 мая, Мінск /Кар. БЕЛТА/. Намеснік міністра замежных спраў Беларусі Алег
Краўчанка 11 мая ў час свайго візіту ў ЗША правёў сустрэчу ў Савеце нацыянальнай бяспекі гэтай краіны, паведамілі БЕЛТА ў прэс-службе беларускага МЗС."У ходзе сустрэчы ў Савеце нацыянальнай бяспекі ЗША абмеркаваны стан і перспектывы развіцця беларуска-амерыканскага супрацоўніцтва", - адзначылі ў прэс-службе знешнепалітычнага ведамства.
Алег Краўчанка ў час свайго візіту правёў яшчэ некалькі двухбаковых сустрэч. Так, у Хельсінкскай камісіі ЗША бакі разгледзелі сітуацыю ва Усходне-Еўрапейскім рэгіёне і пытанні падрыхтоўкі да правядзення ў Мінску ў ліпені сесіі Парламенцкай асамблеі АБСЕ.
Адбылася таксама сустрэча намесніка міністра з членам Кангрэса ЗША ад штата Нью-Джэрсі
Крыстаферам Смітам. "Абмеркаваны стан і перспектывы двухбаковага ўзаемадзеяння", - праінфармавалі ў прэс-службе МЗС.