Падзеі

Канстытуцыйны Суд лічыць неабходным прыняць закон аб тэхналогіях штучнага інтэлекту

Фота з архiва

12 сакавіка, Мінск /Кар. БЕЛТА/. Канстытуцыйны Суд лічыць неабходным прыняць закон аб тэхналогіях штучнага інтэлекту. Аб гэтым гаворыцца ў заключнай частцы паслання Канстытуцыйнага Суда Прэзідэнту і палатам Нацыянальнага сходу "Аб стане канстытуцыйнай законнасці ў Рэспубліцы Беларусь", якую агучыў сёння старшыня суда Пётр Міклашэвіч, перадае карэспандэнт БЕЛТА.

"Лічбавае развіццё Рэспублікі Беларусь вызначана ў якасці важнейшай мэты стратэгічнага характару. Лічбавая трасфармацыя грамадскіх адносін фарміруе новую эканамічную, сацыяльную і прававую рэальнасць, аказваючы істотны ўплыў на рэалізацыю гарантаваных Канстытуцыяй правоў і свабод чалавека і грамадзяніна. Канстытуцыйны Суд адзначае, што ва ўмовах лічбавізацыі аб'ектыўна актуалізуецца неабходнасць як дактрынальнага асэнсавання паняцця і зместу лічбавых тэхналогій, тэхналогій штучнага інтэлекту, так і распрацоўкі ўзгодненага і сістэмнага прававога рэгулявання адносін, звязаных з іх укараненнем і выкарыстаннем", - сказаў Пётр Міклашэвіч.

Канстытуцыйны Суд лічыць, што з улікам уплыву тэхналогій штучнага інтэлекту на працэсы сацыяльна-эканамічнага развіцця, рэалізацыю канстытуцыйных правоў і свабод грамадзян неабходна прыняць закон "Аб тэхналогіях штучнага інтэлекту" для ўстанаўлення дакладных юрыдычных правіл на прынцыпах бяспекі і адказнасці ўсіх удзельнікаў названых адносін.

версія для друку

зрабіць стартавай

дабавіць у выбранае