Падзеі

Гістарычная памяць, іешыва ў Валожыне. Пасол Беларусі абмеркаваў с прадстаўніком МЗС Ізраіля шырокі спектр пытанняў

Юрый Ярашэвіч і Якаў Ліўне. Фота МЗС Беларусі

12 лютага, Мінск /Кар. БЕЛТА/. Надзвычайны і Паўнамоцны пасол Беларусі ў Ізраілі Юрый Ярашэвіч 11 лютага сустрэўся з першым намеснікам генеральнага дырэктара МЗС Ізраіля Якавам Ліўне, паведамляе БЕЛТА са спасылкай на беларускае знешнепалітычнае ведамства.

Субяседнікі разгледзелі шырокі спектр пытанняў двухбаковага парадку дня, асабліва звярнуўшы ўвагу на значнасць захавання гістарычнай памяці аб трагедыях Другой сусветнай вайны і халакосту. У гэтым кантэксце быў разгледжаны ход рэалізацыі праекта па стварэнні музея халакосту і супраціўлення ў Навагрудку.

Беларуская дзяржава надае асаблівую ўвагу захаванню аб'ектаў, гістарычна значных для абедзвюх краін, уключаючы нядаўняе аднаўленне будынка іешывы ў Валожыне.

Бакі таксама абмеркавалі садзейнічанне ўдзелу беларускага боку ў рэлігійных мерапрыемствах у Ізраілі, у тым ліку ў цырымоніі сыходжання Жыватворнага агню ў Іерусаліме. Асобная ўвага была ўдзелена правядзенню ў Ізраілі значных мерапрыемстваў, прысвечаных 40-годдзю трагедыі на ЧАЭС.

версія для друку

зрабіць стартавай

дабавіць у выбранае