Падзеі

Геолагаразведка, абыходжанне з адходамі і навядзенне парадку. Новы кіраўнік Мінпрыроды аб ключавых задачах

11 чэрвеня, Мінск /Кар. БЕЛТА/. Максім Лысенка, якога кіраўнік дзяржавы назначыў міністрам прыродных рэсурсаў і аховы навакольнага асяроддзя, выказаўся аб ключавых задачах, што стаяць перад Мінпрыроды, перадае карэспандэнт БЕЛТА.

"Як сказаў Прэзідэнт, гэта адно з важнейшых міністэрстваў, але яго работы пакуль не відаць. Таму новаму міністру трэба ісці наводзіць парадак. Пытанні навядзення парадку з нас ніхто не здымаў, - падкрэсліў Максім Лысенка. - Цяпер уносяцца змяненні ў шэраг нарматыўна-прававых дакументаў, каб каардынацыя па навядзенні парадку была больш дакладнай. У гэтым напрамку мы таксама будзем працаваць".

Адным з важных напрамкаў работы Максім Лысенка назваў геолагаразведку. Новы кіраўнік Мінпрыроды запэўніў, што работа па здабычы нафты і іншых прыродных рэсурсаў будзе прадоўжана ў яшчэ больш узмоцненым тэмпе.

У ліку задач, якія трэба будзе вырашыць Мінпрыроды, - пытанні абыходжання з адходамі. "Трэба максімальна працаваць з юрыдычнымі асобамі і насельніцтвам, каб уключыць другасныя матэрыяльныя рэсурсы, перапрацоўваць адходы вытворчасці. Тыя ж перапрацоўшчыкі павінны падыходзіць больш адказна да сваёй дзейнасці, - падкрэсліў Максім Лысенка. - Напэўна, нам трэба сумесна з Міністэрствам жыллёва-камунальнай гаспадаркі падумаць над стратэгіяй работы па пытаннях абыходжання з адходамі. Трэба яе крыху памяняць, і мы ў гэтым напрамку працуем".

Новы міністр таксама адзначыў, што сярод даручэнняў была прапрацоўка пытання аб далучэнні да Мінпрыроды Дзяржаўнай інспекцыі аховы жывёльнага і расліннага свету пры Прэзідэнце.

версія для друку

зрабіць стартавай

дабавіць у выбранае