Падзеі

Эйсмант пракаменціравала памілаванне Прэзідэнтам Беларусі двух каталіцкіх святароў

22 лістапада, Мінск /Кар. БЕЛТА/. Прэс-сакратар Прэзідэнта Беларусі Наталля Эйсмант пракаменціравала журналістам інфармацыю аб памілаванні кіраўніком дзяржавы двух каталіцкіх святароў, перадае карэспандэнт БЕЛТА.

"Сапраўды, кіраўніком дзяржавы 20 лістапада памілаваны два каталіцкія святары - Анджэй Юхневіч і Генрых Акалатовіч, асуджаныя за ўчыненне цяжкіх і асабліва цяжкіх злачынстваў супраць дзяржавы, а таксама іншыя злачынствы, - сказала прэс-сакратар. - Гэта рашэнне было прынята па просьбе Папы Рымскага Льва XIV пры ўдзеле мітрапаліта Іосіфа Станеўскага ў рамках жэста добрай волі, кіруючыся прынцыпамі міласэрнасці і гуманізму, улічваючы стан здароўя асуджаных, а таксама ў мэтах развіцця адносін Рэспублікі Беларусь са Святым Прастолам".

версія для друку

зрабіць стартавай

дабавіць у выбранае