Падзеі

Дзяржкамваенпрам працуе над стварэннем зенітна-ракетнага комплексу блізкага дзеяння

20 студзеня, Мінск /Кар. БЕЛТА/. Дзяржаўны ваенна-прамысловы камітэт працуе над стварэннем зенітна-ракетнага комплексу блізкага дзеяння. Аб гэтым расказаў у эфіры тэлеканала "Беларусь 1" старшыня Дзяржкамваенпрама Дзмітрый Пантус, паведамляе БЕЛТА.

"На мой погляд, галоўнай падзеяй 2024 года, галоўным вынікам для Дзяржкамваенпрама стала стварэнне айчыннага зенітна-ракетнага комплексу сярэдняй далёкасці Бук-МБ2 з айчыннай ракетай. Над стварэннем гэтай ракеты мы працавалі некалькі гадоў, і 2024-ы быў годам усіх падагульняючых практычных выпрабаванняў гэтага вырабу, - расказаў Дзмітрый Пантус. - Мы вельмі рады, што нам удалося ва ўстаноўленым парадку завяршыць комплекс разам з айчыннай на 100 працэнтаў ракетай. І на сённяшні момант ужо ва ўстаноўленым парадку комплекс прыняты на ўзбраенне Узброеных Сіл Рэспублікі Беларусь".

"Дзякуючы таму, што нам удалося распрацаваць і стварыць гэтыя вырабы, мы ўжо глядзім наперад у гэтым напрамку і цяпер працуем над стварэннем комплексу блізкага дзеяння, у аснову якога ўвойдуць тыя ўніфікаваныя рашэнні, якія атрымаліся ў нас у частцы стварэння комплексу сярэдняй далёкасці", - падкрэсліў старшыня Дзяржкамваенпрама.

версія для друку

зрабіць стартавай

дабавіць у выбранае