Падзеі

ДПК: з пачатку года звыш 118 тыс. іншаземцаў наведалі Беларусь без віз

Фота з архiва

14 ліпеня, Мінск /Кар. БЕЛТА/. З пачатку года звыш 118 тыс. іншаземцаў наведалі Беларусь без віз. Аб гэтым БЕЛТА паведамілі ў Дзяржпагранкамітэце.

З 1 студзеня бягучага года ў Беларусь прыбылі 118 560 замежных грамадзян з 38 краін, уключаных у спіс бязвізу. Большасць падарожнікаў прыехала з краін-суседзяў Беларусі - Літвы, Латвіі і Польшчы.

Усяго з 15 красавіка 2022 года нашу краіну наведалі 1 150 296 жыхароў Еўропы. З Латвіі прыбылі 365 189 іншаземцаў, з Літвы - 632 829, з Польшчы - 116 884. У рамках пашыранага бязвізу для 35 еўрапейскіх дзяржаў з 19 ліпеня 2024 года ў Беларусь уехалі 35 394 замежныя грамадзяніны.

У ДПК нагадалі, што кіраўніком дзяржавы прынята рашэнне аб прадаўжэнні бязвізавага ўезду для грамадзян 38 еўрапейскіх краін да 31 снежня 2025 года ўключна.

Падрабязная інфармацыя аб бязвізавым наведванні Беларусі размешчана ў спецыяльным раздзеле інфармацыйнага партала Дзяржпагранкамітэта і ў мабільным дадатку "Граніца Беларусі".

версія для друку

зрабіць стартавай

дабавіць у выбранае