Падзеі

ДПК: штомесяц без віз у Беларусь прыязджаюць каля 18 тыс. еўрапейцаў

Фота з архiва

10 сакавіка, Мінск /Кар. БЕЛТА/. Штомесяц без віз у Беларусь прыязджаюць каля 18 тыс. еўрапейцаў. Аб гэтым БЕЛТА паведамілі ў Дзяржпагранкамітэце.

"Беларускі бязвіз не страчвае папулярнасці. У мінулым годзе максімальная колькасць турыстаў, якія наведалі Беларусь у бязвізавым парадку, адзначалася ў летні перыяд, а таксама на навагоднія і калядныя святы - ад 20 да 25 тыс. чалавек у месяц. Такая тэндэнцыя захоўваецца трэці год запар", - падкрэслілі ў пагранічным ведамстве.

Так, з пачатку бягучага года ў Беларусь прыбылі 33904 чалавекі з 38 краін, уключаных у спіс бязвізу. Усяго з 15 красавіка 2022 года нашу краіну наведалі 1 065 639 жыхароў Еўропы. З Латвіі прыбылі 335404 чалавекі, з Літвы - 603039, з Польшчы - 107770.

Падрабязная інфармацыя аб бязвізавым наведванні Беларусі размешчана ў спецыяльным раздзеле інфармацыйнага партала Дзяржпагранкамітэта і ў мабільным дадатку "Граніца Беларусі".

версія для друку

зрабіць стартавай

дабавіць у выбранае