Падзеі

22 студзеня, Мінск /Кар. БЕЛТА/. Намеснік міністра замежных спраў Беларусі Андрэй Дапкюнас правёў сустрэчу з Надзвычайным і Паўнамоцным Паслом В'етнама ў Беларусі Ле Анем, паведамілі БЕЛТА ў беларускім знешнепалітычным ведамстве.

У ходзе сустрэчы разгледжаны пытанні падтрымання міждзяржаўных кантактаў на высокім узроўні, развіцця гандлёва-эканамічнага супрацоўніцтва, рэалізацыі сумесных праектаў.

Асаблівая ўвага ўдзелена ўзаемадзеянню ў прамысловасці, у прыватнасці ажыццяўленню праекта па зборцы тэхнікі МАЗ у В'етнаме.