Падзеі

"Чарговы рывок у развіцці ШАС". На пасяджэнні Савета кіраўнікоў урадаў падпісаны шэраг дакументаў

18 лістапада, Масква /Эдуард Півавар - БЕЛТА/. Праведзенае 18 лістапада ў Маскве пасяджэнне Савета кіраўнікоў урадаў Шанхайскай арганізацыі супрацоўніцтва стала чарговым рыўком у развіцці ШАС. Аб гэтым па выніках мерапрыемства заявіў журналістам намеснік генеральнага сакратара Шанхайскай арганізацыі супрацоўніцтва Міднапу Рамчандра Мідхун, перадае карэспандэнт БЕЛТА.

Беларускую дэлегацыю на пасяджэнні ўзначальваў прэм'ер-міністр Аляксандр Турчын. "Па выніках прыняты такія дакументы, як дарожная карта па развіцці супрацоўніцтва паміж дзяржавамі ШАС у галіне сацыяльнага развіцця на 2026-2028 гады, план рэалізацыі канцэпцыі ўзаемадзеяння чыгуначных адміністрацый дзяржаў ШАС і іншыя", - сказаў намеснік генеральнага сакратара ШАС.

Падпісаны таксама пратакол, які замацоўвае магчымасць выплаты штогадовых узносаў у бюджэт ШАС не толькі ў доларах ЗША, але і ў іншых валютах.

Намеснік генеральнага сакратара адзначыў, што на пасяджэнні абмяркоўваліся меры па комплексным і паступальным выкананні стратэгіі развіцця ШАС да 2035 года. Важнае месца ўдзелена пашырэнню гандлёва-эканамічных і культурна-гуманітарных сувязей, пытанням узаемадзеяння ў сферах лічбавай эканомікі, энергетыкі, зялёнага парадку дня, штучнага інтэлекту, навукі і інавацый, адукацыі, культуры, турызму, аховы здароўя, спорту, кантактам па лініі моладзі. Вынікі пасяджэння адлюстраваны ў падпісаным сумесным камюніке.

"Мы не проста правялі чарговае пасяджэнне Савета кіраўнікоў урадаў, мы зрабілі чарговы рывок у развіцці ШАС, замацаваўшы адзінства нашых поглядаў", - падкрэсліў Міднапу Рамчандра Мідхун.

версія для друку

зрабіць стартавай

дабавіць у выбранае