Падзеі

"Чаго яму карціць?" Лукашэнка адказаў на заяву Сікорскага

Радослаў Сікорскі. Фота РІА Навіны

26 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка на прэс-канферэнцыі ў Мінску адказаў на заяву міністра замежных спраў Польшчы Радаслава Сікорскага, паведамляе карэспандэнт БЕЛТА.

Пасля таго як Аляксандр Лукашэнка адказаў на пытанне польскага журналіста, прэс-сакратар кіраўніка дзяржавы Наталля Эйсмант агучыла свежую заяву кіраўніка польскага МЗС наконт непрызнання выбараў у Беларусі. У гэтай заяве гаварылася ў тым ліку і аб "агрэсіі Расіі" і расійскага лідара.

"Навошта вы чапляеце Расію? Ну што ў вас праблем не хапае? Сікорскі ж вопытны чалавек. Мы з ім сустракаліся, размаўлялі. Чаго яму карціць наконт нашых выбараў? Ён няхай думае, што будзе заўтра. Сёння гноем закідалі Міністэрства замежных спраў польскія сяляне. А заўтра? Таму супакойцеся! Мы што, пра вас нешта гаворым? Не", - адрэагаваў Прэзідэнт.

Ён нагадаў, што ў Польшчы ў маі свае выбары. "Але мы не будзем у іх умешвацца. А калі хочаце, можам паказаць, што мы нешта ўмеем. Са штучным інтэлектам, IT-тэхналогіямі і іншым. Але мы такой мэты не ставім. Нам гэта не патрэбна. Мы не хочам эскалацыі, мы не будзем гэта рабіць. А мы з вамі людзі веруючыя. Мы хрысціяне. Не дай бог Ён гэта ўбачыць і пачне разбірацца. Мала не падасца. Нам, але вам тым больш. Таму давайце жыць дружна!" - сказаў Аляксандр Лукашэнка.

Звяртаючыся да польскага журналіста, Прэзідэнт дадаў: "Сікорскаму чыркані, што няхай свой нос не суе, куды яго не просяць".

версія для друку

зрабіць стартавай

дабавіць у выбранае