Падзеі

Бюджэт-2026: якімі будуць даходы і расходы

Фота з архiва

На гэтым тыдні ўрадам унесены ў Палату прадстаўнікоў праект закона "Аб рэспубліканскім бюджэце на 2026 год". Як будзе фарміравацца даходная частка і як спланавана расходная частка бюджэту, расказала БЕЛТА намеснік старшыні Пастаяннай камісіі Палаты прадстаўнікоў па бюджэце і фінансах Аляксандра Міхеенка.

Дэпутат адзначыла, што пры фарміраванні праекта бюджэту на наступны год за аснову прыняты прагноз умоў эканамічнага развіцця, які прадугледжвае рост ВУП на ўзроўні 102,8 працэнта, узровень інфляцыі ў сярэднегадавым выражэнні - 107 працэнтаў.

Даходы рэспубліканскага бюджэту на 2026 год вызначаны ў памеры 18,3 працэнта да ВУП і ў параўнанні з ацэнкай паступленняў 2025 года павялічацца на 12,4 працэнта.

Даходы рэспубліканскага бюджэту будуць уключаць падатковыя даходы (70,4 працэнта агульнай сумы даходаў), непадатковыя даходы (12,2 працэнта), бязвыплатныя паступленні (17,4 працэнта).

Падатковыя даходы ў рэспубліканскім бюджэце будуць сфарміраваны галоўным чынам за кошт падатку на дабаўленую вартасць, даходаў ад знешнеэканамічнай дзейнасці, акцызаў, падатку на прыбытак, падатку за здабычу (выключэнне) прыродных рэсурсаў, экалагічнага падатку, транспартнага падатку.

Што датычыцца расходаў рэспубліканскага бюджэту, плануецца, што іх рост да чаканага выканання 2025 года складзе не менш за 10,4 працэнта, адзначыла намеснік старшыні Пастаяннай камісіі.

Прыярытэтнымі ў бюджэце захаваюцца расходы на фінансаванне сацыяльнай сферы, а таксама павышэнне ўзроўню аплаты працы і дабрабыт работнікаў бюджэтнай сферы.

Дадаткова да базавага фонду аплаты працы ў рэспубліканскім бюджэце прадугледжаны расходы на заработную плату работнікаў па новаўводзімых аб'ектах аховы здароўя і адукацыі, а таксама на аплату працы выкладчыкаў, дадаткова ўводзімых ў сувязі з павелічэннем кантрольных лічбаў прыёму і ростам кантынгенту навучэнцаў на бюджэтнай аснове ва ўстановах сярэдняй спецыяльнай адукацыі на 1039 чалавек.

У ліку асноўных напрамкаў расходаў рэспубліканскага бюджэту на 2026 год будуць выплата сямейнага капіталу і фінансаванне будаўніцтва жылля з дзяржаўнай падтрымкай.

У бюджэце прадугледжана фінансаванне навуковай, навукова-тэхнічнай і інавацыйнай дзейнасці, а таксама аказанне дзяржаўнай падтрымкі па сістэмных рашэннях (падтрымка экспарту і забеспячэнне ўнутранага рынку сучаснай тэхнікай і абсталяваннем).

Прадугледжаны сродкі і на фінансаванне цэнтралізаванай закупкі электратранспарту, аўтатранспарту для ўстаноў адукацыі, аховы здароўя і сацыяльнага абслугоўвання насельніцтва з наступнай іх перадачай рэгіёнам. У прыярытэце застаюцца расходы на рамонты і ўтрыманне дарог.

У 2026 годзе дэфіцыт (перавышэнне расходаў над даходамі) рэспубліканскага бюджэту складзе Br4,3 млрд, які плануецца прафінансаваць за кошт знешніх дзяржаўных пазык, якія прыцягваюцца для рэалізацыі інвестыцыйных праектаў і астаткаў сродкаў рэспубліканскага бюджэту.

Аляксандра Міхеенка звярнула ўвагу, што прапануемыя для фарміравання праекта бюджэту на 2026 год падыходы цалкам дазваляюць збалансаваць яго параметры ў межах існуючых фінансавых рэсурсаў і, што самае важнае, - забяспечваюць фінансаванне прыярытэтаў сацыяльна-эканамічнага развіцця краіны.

БЕЛТА

версія для друку

зрабіць стартавай

дабавіць у выбранае