Падзеі
Беларускія і брытанскія парламентарыі маюць намер правесці сустрэчу ў час летняй сесіі ПА АБСЕ
14 чэрвеня, Мінск /Кар. БЕЛТА/.
Беларускія і брытанскія парламентарыі могуць правесці сустрэчу ў час 26-й летняй сесіі ПА АБСЕ ў Мінску. Арганізацыйныя моманты абмяркоўваліся сёння старшынёй Пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі Андрэем Навумовічам і Надзвычайным і Паўнамоцным Паслом Вялікабрытаніі ў Беларусі Фіёнай Гіб, паведамілі БЕЛТА ў прэс-службе парламента.На сустрэчы разгледжаны пытанні пашырэння ўзаемадзеяння паміж парламентарыямі дзвюх краін. У прыватнасці, размова ішла аб магчымасці арганізацыі сустрэчы ў дні 26-й штогадовай сесіі ПА АБСЕ, а таксама візіту членаў парламента Вялікабрытаніі ў Беларусь.
Летняя сесія ПА АБСЕ, якая пройдзе ў Мінску 5-9 ліпеня, будзе прысвечана ўмацаванню ўзаемнага даверу і супрацоўніцтва ў імя міру і працвітання ў рэгіёне. Плануецца насычаная праграма, якая ўключае пасяджэнне пастаяннага камітэта ПА АБСЕ і агульных камітэтаў па палітычных пытаннях і бяспецы, па эканамічных пытаннях, навуцы, тэхналогіі і навакольным асяроддзі, па дэмакратыі, правах чалавека і гуманітарных пытаннях. Усяго ў перыяд сесіі чакаецца да 700 гасцей.
Беларускі бок прапануе да разгляду рэзалюцыю, якая атрымала назву "Распрацоўка своечасовых і эфектыўных заканадаўчых, нарматыўных, адміністрацыйных мер рэагавання на з'яўленне новых псіхаактыўных рэчываў".
версія для друку
зрабіць стартавай
дабавіць у выбранае