Падзеі
Беларусь прэзентуе свой гандлёва-эканамічны і інвестыцыйны патэнцыял у Пакістане
2 красавіка, Мінск /Аліна Грышкевіч - БЕЛТА/. Беларусь прэзентуе свой гандлёва-эканамічны і інвестыцыйны патэнцыял у Пакістане. Аб гэтым паведаміў на брыфінгу начальнік упраўлення інфармацыі - прэс-сакратар МЗС Беларусі Дзмітрый Мірончык, перадае карэспандэнт БЕЛТА.
Прэзентацыя праходзіць у час візіту 1-3 красавіка ў Пакістан дэлегацыі пад кіраўніцтвам намесніка міністра замежных спраў Беларусі Валянціна Рыбакова. Мэтай паездкі з'яўляецца актывізацыя двухбаковага ўзаемадзеяння па шырокім коле пытанняў з акцэнтам на гандлёва-эканамічныя і інвестыцыйныя адносіны.
У склад дэлегацыі ўваходзяць прадстаўнікі Апарату Савета Міністраў, шэрага міністэрстваў і прадпрыемстваў-экспарцёраў. Праграмай прадугледжаны сустрэчы і перагаворы беларускай дэлегацыі ў Міністэрстве замежных спраў, Міністэрстве прамысловасці і вытворчасці, Міністэрстве закону, юстыцыі і правоў чалавека, Міністэрстве нафты і прыродных рэсурсаў, Міністэрстве навукі і тэхналогій, Міністэрстве інфармацыі, тэлерадыёвяшчання і нацыянальнай спадчыны Пакістана.
версія для друку
зрабіць стартавай
дабавіць у выбранае