Падзеі

Беларусь падтрымала ініцыятыву Кітая аб стварэнні сусветнай арганізацыі супрацоўніцтва ў галіне ШІ

26 верасня, Мінск /Кар. БЕЛТА/. Беларусь падтрымлівае ініцыятыву Кітая аб стварэнні сусветнай арганізацыі супрацоўніцтва ў сферы штучнага інтэлекту. Аб гэтым міністр замежных спраў Беларусі Максім Рыжанкоў заявіў 25 верасня на пасяджэнні Савета Бяспекі ААН у Нью-Ёрку, перадае карэспандэнт БЕЛТА.

У час выступлення кіраўнік знешнепалітычнага ведамства закрануў пытанні этыкі штучнага інтэлекту. Максім Рыжанкоў перакананы, што распрацоўка ШІ павінна быць накіравана на паляпшэнне жыцця чалавека і захаванне яго годнасці. "Гэта азначае, што тэхналогіі штучнага інтэлекту павінны дапаўняць чалавечыя здольнасці, а не замяняць іх поўнасцю. Гэта тэхналогія не павінна дыскрымінаваць чалавека", - падкрэсліў дыпламат.

"Неабдуманае прымяненне штучнага інтэлекту можа мець сур'ёзныя сацыяльныя наступствы. У сувязі з гэтым павінны быць дакладна вызначаны механізмы адказнасці за рашэнні, якія прымаюцца штучным інтэлектам. Правільным крокам у гэтым напрамку разглядаем нядаўнюю ініцыятыву Кітая аб стварэнні сусветнай арганізацыі супрацоўніцтва ў галіне штучнага інтэлекту, якую Беларусь цалкам падтрымлівае", - заявіў Максім Рыжанкоў.

Паводле яго слоў, усім краінам надзвычай неабходна такая пляцоўка для выпрацоўкі і ўзгаднення механізмаў агульнага кантролю за працэсамі развіцця ШІ.

версія для друку

зрабіць стартавай

дабавіць у выбранае