Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

8 Jun 2015

Беларусь як краіна, якая старшынствуе ў ЕАЭС, вядзе работу па прадастаўленні саюзу статусу наглядальніка ў ААН

8 чэрвеня, Масква /Эдуард Півавар - БЕЛТА/. Беларусь як краіна, якая старшынствуе ў ЕАЭС, вядзе работу па прадастаўленні саюзу статусу наглядальніка ў ААН. Аб гэтым заявіў журналістам міністр замежных спраў Беларусі Уладзімір Макей па выніках праведзеных сёння ў Маскве перагавораў з міністрам замежных спраў Расіі Сяргеем Лаўровым, перадае карэспандэнт БЕЛТА.

"Беларускім старшынствам з удзелам бакоў актыўна прапрацоўваецца пытанне прадастаўлення ЕАЭС статусу наглядальніка ў ААН і прыняцця рэзалюцыі Генеральнай асамблеі ААН аб супрацоўніцтве паміж ААН і ЕАЭС", - сказаў Уладзімір Макей.

Міністр нагадаў, што Беларусь першай прыняла на сябе функцыю старшынства ў ЕАЭС. Перад беларускім бокам стаяла задача не толькі прапанаваць актуальную праграму дзеянняў, але і фактычна закласці асновы традыцый старшынства ў ЕАЭС. "Нашы прапановы маюць прагматычны характар, - падкрэсліў Уладзімір Макей. - Сярод ключавых пытанняў - рэалізацыя ўзгодненай прамысловай палітыкі, развіццё экспарту, прамкааперацыя, імпартазамяшчэнне, сумесныя інвестыцыйныя праекты, развіццё сферы паслуг".

Міністр адзначыў канструктыўны падыход да беларускіх прапаноў як з боку Еўразійскай эканамічнай камісіі, так і дзяржаў - членаў ЕАЭС.

У сваю чаргу міністр замежных спраў Расіі, гаворачы аб еўразійскай інтэграцыі, высока ацаніў работу Мінска па ажыццяўленні свайго старшынства ў ЕАЭС.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі