Падзеі

Беларусь асудзіла прадузяты падыход старшынства ФСГБ да ўдзелу міжнародных арганізацый

Фота з архiва

2 красавіка, Мінск /Кар. БЕЛТА/. Пастаяннае прадстаўніцтва Рэспублікі Беларусь пры АБСЕ 2 красавіка выступіла на пасяджэнні Форуму АБСЕ па супрацоўніцтве ў галіне бяспекі (ФСГБ) у Вене. Аб гэтым паведамляе БЕЛТА са спасылкай на знешнепалітычнае ведамства.

У сваёй заяве беларуская дэлегацыя выказала глыбокае шкадаванне ў сувязі з адмовай іспанскага старшынства дазволіць падключэнне прадстаўнікоў сакратарыята АДКБ для назірання за ходам пасяджэнняў форуму. Пры гэтым было адзначана, што такі дазвол быў прадастаўлены прадстаўніку НАТА - арганізацыі з неўніверсальным складам, членам якой з'яўляецца сама Іспанія.

Беларусь расцаніла такое рашэнне як прадузятае і падкрэсліла непрымальнасць практыкі ігнаравання аўтарытэтных міжнародных структур на ўсход ад Вены. Дэлегацыя нагадала, што ў другім трыместры 2022 года, у час беларускага старшынства, сакратарыятам ААН, НАТА і АДКБ было прадастаўлена роўнае права назіраць за пасяджэннямі форуму.

Беларусь выказала шкадаванне наконт адсутнасці бесстароннасці з боку іспанскага старшынства і надзею на з'яўленне ў будучым больш справядлівага, валявога і незалежнага старшыні форуму.

версія для друку

зрабіць стартавай

дабавіць у выбранае