Падзеі
Беларусь і Ізраіль абмеркавалі інвестыцыйнае супрацоўніцтва ў аграпрамысловай і турыстычнай сферах
Фота МЗС
2 кастрычніка, Мінск /Кар. БЕЛТА/. Беларусь і Ізраіль абмеркавалі інвестыцыйнае супрацоўніцтва ў аграпрамысловай і турыстычнай сферах. Аб гэтым ішла размова на сустрэчы пасла Беларусі ў Ізраілі Уладзіміра Скварцова з міністрам аліі і інтэграцыі Ізраіля, сустаршынёй сумеснага беларуска-ізраільскага камітэта па гандлёвым і эканамічным супрацоўніцтве Софай Ландвер, паведамілі БЕЛТА ў прэс-службе МЗС.
Уладзімір Скварцоў праінфармаваў Софу Ландвер аб стане беларуска-ізраільскага інвестыцыйнага супрацоўніцтва і рэалізуемых у Беларусі сумесных праектах у аграпрамысловай і турыстычнай сферах, а таксама аб камерцыйных прапановах, накіраваных ізраільскаму боку. Субяседнікі закранулі некаторыя аспекты, што датычацца кааперацыі дзвюх краін у ІТ-сектары і галіне высокіх тэхналогій. Абмеркаваны таксама пытанні ўдзелу ізраільскай дэлегацыі ў мемарыяльных мерапрыемствах у Беларусі, прысвечаных 75-й гадавіне знішчэння Мінскага гета.
У час перагавораў закрануты тэмы двухбаковага парадку дня, уключаючы ход рэалізацыі дамоўленасцей, дасягнутых па выніках шостага пасяджэння сумеснага камітэта ў Іерусаліме ў маі 2018 года.
версія для друку
зрабіць стартавай
дабавіць у выбранае