Падзеі
Беларусь і Венгрыя абмеркавалі рызыкі міграцыйных працэсаў у рэгіёне
28 студзеня, Мінск /Кар. БЕЛТА/. Міністэрствы замежных спраў Беларусі і Венгрыі ў час кансультацый у Будапешце абмеркавалі рызыкі міграцыйных працэсаў у рэгіёне, паведамілі БЕЛТА ў МЗС Беларусі.
"У час кансультацый бакі абмеркавалі пытанні візавай палітыкі Беларусі і Венгрыі, у тым ліку ў кантэксце перагавораў паміж Беларуссю і Еўрасаюзам па аблягчэнні ўзаемных паездак грамадзян, развіццё міграцыйнай сітуацыі ў рэгіёне і звязаныя з гэтым рызыкі, пытанні абароны правоў юрыдычных і фізічных асоб на тэрыторыях абодвух дзяржаў, а таксама ўзаемадзеянне ў пытаннях аказання ўзаемнай прававой дапамогі", - расказалі ў ведамстве.
Беларусь на сустрэчы прадставіў начальнік галоўнага консульскага ўпраўлення Міністэрства замежных спраў Ігар Фісенка, венгерскі бок - начальнік галоўнага ўпраўлення па консульскіх пытаннях і грамадзянстве Міністэрства замежных спраў і знешняга гандлю Зіта Бенчык.
Для абмену вопытам па процідзеянні нелегальнай міграцыі беларуская дэлегацыя правяла таксама сустрэчу з намеснікам генеральнага дырэктара Офіса па іміграцыі і грамадзянстве Венгрыі.
версія для друку
зрабіць стартавай
дабавіць у выбранае